ఇల్లు కట్టుకోవాలంటే వాస్తు ప్రకారం నిర్మించాలి. మొదట శంకుస్థాపన చేసి తరువాత ప్లాన్ ప్రకారం కట్టుకోవాలి. నైరుతి మూల నిర్మాణం ఎలా ఉండాలి.. శంకుస్థాపన చేసేటప్పుడు తీసుకోవలసిర జాగ్రత్తలు ఏమిటి.. మొదలగు విషయాల గురించి వాస్తు సిద్దాంతి కాశీనాథుని శ్రీనివాస్ ఏమంటున్నారో తెలుసుకుందాం. .
ప్రశ్న: సాయంత్రం పూట ..సాయంసంధ్యా సమయంలో ఇంటికి శంకుస్థాపన చేశాం. ఇది కరక్టేనా? ఏ టైమ్ లో శంకుస్థాపన చేసుకుంటే బాగుంటుంది?
జవాబు: సాయంత్రం పూట శంకుస్థాపన చేయకూడదు. చిన్న ఇల్లైనా, పెద్దదైనా సూర్యోదయానికి ముందు లేదా ఉదయం పూట మాత్రమే చేయడం సంప్రదాయంగా వస్తోంది. ఈ విషయంలో మీ ఇంటి పురోహితుడిని అడిగి ఆయన సలహా తీసుకోండి.
ప్రశ్న: నైరుతి వైపు బెడ్రూమ్ లేదా స్టోర్ రూమ్... ఏది ఏర్పాటు చేసుకుంటే మంచిది? నైరుతి దిక్కు లో బాత్రూమ్ కట్టుకోవచ్చా
జవాబు: నైరుతి వైపు బెడ్రూమ్, స్టోర్ రూమ్.. రెండింట్లో ఏదైనా కట్టుకోవచ్చు. అయితే, అటువైపు ప్రత్యేకంగా బాత్రూమ్ కట్టుకోకూడదు. దక్షిణ సెంటర్లో కామన్ బాత్రూమ్ ఉండొచ్చు. ఒకవేళ నైరుతి బెడ్ రూమ్ లో బాత్రూమ్ కావాలంటే ఆగ్నేయం లేదా వాయువ్యంలో అయినా కట్టుకోవచ్చు.
